很興幸這幾年以來，不知是否多得遠到無人租的「亞洲博覽館」(Asia World Arena)落成，不少外國樂隊都來港表演，種類愈來愈多，也愈來愈冷門。幾年前我都以為Muse一世都唔會來港，點知終於比我恨到。
近日的演唱會，有以下：
"Backstreet Boys Live in HK 2008"
試問幾年前有邊個少女唔中意Backstreet Boys呢？明顯地，現在的他們久無新作，只能巡迴演唱作生計吧？這樣想會太現實嗎？曾幾何時Nick真的可愛迷人啊......
"Bjork: The Volta Tour"
"INCUBUS Light Grenades Tour 2008 HK" 中學時代聽英文歌聽得好濫，只要關於Rock或Alternative都會聽，包括INCUBUS。後來它慢慢fade out，當然係因為我發現我根本唔中意佢地d音樂啦撞鬼。
結論係，三場都唔會睇。不過都幾安慰，香港終於都融合外國演唱會其中項重要文化，就係：企。連BSB的Concert都係企位。我諗可能Asia World Arena根本就無座位。唔緊要啦，都係一個進步，雖然身形如我就次次都比人迫到雙腳離地咁滯或者差死o係人踩人的情況下，不過，好feel就得啦。
2007年，看了三場難忘的演唱會，場場，都值得一睇再睇三睇四睇。
MUSE Live in Hong Kong 2007 你知「望眼欲穿」的感覺嘛。就係咁。望到年幾前終於死心，點知忽然，發生呢樣仲好過天上掉金o既事。無花無假，MUSE Live in Hong Kong。以前真的想過到英國去看，因為不想像Nirvana一樣錯過了就一輩子遺憾，點知真身o黎香港喎！大佬仲想點呀？
呢個情景，終於發生o係香港！ 
當晚o既人就好似拜上帝咁，你明唔明呀，就好似咁樣...... 
有不枉此生的感覺嗎？有。誇張嗎？無誇張。但成件事實在好得太誇張。 
Linkin Park Live in HK 2008 第二次睇，依然正爆。唔知Chester話我地係亞洲巡迴入面最正果場，係真定係門面說話。但Linkin Park已經將香港列為巡迴必到站就係真事，聽講係日本同香港先係嫁。
我最喜歡的Rob這次concert還有solo呢！ (*相片不是live in hong kong的，找不到，我當日也對拍照無能為力，只是耳都嗚手都甩腳都癱)
型型型型型。正正正正正。 
Eason Moving On Stage 1，不止唱功了得，我想這次concert連他自己也想不到發掘出跳舞的才華吧？ 
一出場呢件真係爆。 
係仔都想Moviong On Stage啦依家！咁2008呢？
好想知有咩concert睇。想睇又未有得睇o既有：
Lostprophets，唔好講笑真係好想睇，完全烈火青春feel，歌喉就一般，但爆rock喎！
華衣加靚仔就例牌嫁啦。不過總係覺得佢地無咩可能會o黎。但我夠以為Muse一世唔會o黎啦！所以，Who knows？
主唱Ian，聲線都不俗啦。唔好講笑真係好多女lum佢。所有封面都係佢上咁滯，但近來佢太goth喎，咩事呢？我以為自己聽緊visual rock。其實佢地唔係。
我一直卻更喜歡金髮的吉他手Lee (中)
唔好講笑睇完佢彈吉他真係有諗過學。
到底由幾時開始Justin Timberlake比人界定做型男呢？同佢開始show off佢d肌肉，有無關係呢？
但歌唱實力真係不容忽視啊，Future Sex Love Sounds成隻碟都好好聽。好想聽live睇佢又唱又跳。
The Cardigans。好傷心因為我有印象佢地個Super Extra Gravity tour好似來過香港巡邏，果時未聽過，點知後來先發覺勁中意成隻碟，好慘！女主音聲線又rock又甜，聽過就不會忘記的。
Garbage，好聽。又係既Rock且甜的女主音。我覺得Shirley Manson好性感，唔好問點解。
現場聽rap，我諗會high翻天。然後我就o係度諗......如果Marilyn Manson開show，我會唔會(敢唔敢)去睇呢？
佢係The God Of FuxK喎。講真我都幾驚睇到心臟病發。
沒有留言:
張貼留言