我都舉腳贊同香港沒有空間比創意工業發展，不過首先當然是要有「創意工業」呢回事先可行掛？一眾廣告人、藝人和導演們，是否應潔身自愛一點點先聲大大呢？抄襲？我無抄。你無抄又點呢？你有d咁o既同行大佬你想人地點睇你地呢？o係各大傳媒大肆口伐無記「野蠻奶奶大戰戈師奶」之時，我又覺得可以接受喎！起碼人地唔會強調自己呢行「食腦」、「靠創意」、「攪盡腦汁」、「嘔心瀝血」先啦。又，無記的目標觀眾到底有幾多個睇過「The Devil Wears Prada」？知你抄o野的目標觀眾比例應該比以下幾個case為低吧？如果詹詹要笑無記+陳志雲，不而笑下所謂的「同行」或「創意工作者」先啦？點解唔呢？
Case One: Undercover of HKSAR Government
香港廣告商會呢件事，到底過多幾年先可以唔再比人笑呢(或者要求低d，唔再咁爆笑呢？)？我知，好多人提過，但我身邊好多朋友唔知喎！咩事呢？其實都幾一目了然啦！最爆的當然係呢個仲係香港廣告商會成立50週年的平面廣告，果排鋪天蓋地咁出現於某幾個地鐵站。嘩，真係錢好多創意極少c！我印象好深嫁，因為我未知佢抄人時曾經我覺得個ad幾有創意幾靚嫁！後來完全有比人昆o既感覺，好諷刺啦成件事，真係年度第一大笑話。(第二大應該係朱sir)
左：攝影師Philip Toledano作品
右：抄多50年之「省靚招牌50年」
香港固然有很多出色的廣告人及作品，點解廣告商會要咁丟佢地架呢？一子錯，依家其他國家o既人咪就係覺得你地香港廣告界代表都係抄襲咁大把囉。你地憑咩爭取創作空間呀？比抄襲空間你地咪夠囉。我覺得有理由相信廣告商會係同政府夾埋扼殺香港創作自由。仲話「承認有參考」，真係火都o黎鬧爆你！
Case 2: Jan's a copying specialist?
真的，不要再將黃子華跟Jan Lam比較了，我覺得，係兩個level的東西，無得比。唔好再提棟篤笑內容之類，人地話唔係抄你都無計。即使今次又係咁橋o係某人開show之後先開show，一切都係咁橋o者，真係無o野講。包括，張poster 囉，佢連「有參考」都唔認囉！咁...咁ok囉，靠食腦的創意工業者潮流icon Jan Lam先生。抄，應該都係潮流掛？勁呀你！帶動抄潮！
<林海峰是但up求其大合唱>海報
當代中國畫家/藝術家岳敏君作品。
「你咁都叫無抄？」「無，我無抄喎！」「但你連油畫風格都照dup喎？」「即係好似d人話我抄子華咁，一字咁淺咪就係無囉！」「哦...哦...是但啦，求其啦。」
Case 3: Nobody found this case?
彭浩翔先生，是個出名新潮風格獨特的新進本地導演。成名作「買兇拍人」的確不錯，黑色幽默，彭生後來又做廣播劇又出書，都叫名利雙收掛？近作是有不少觀眾慕彭先生的名入場的「出埃及記」。嗯嗯，找來不懂做戲的劉心悠，完全步王晶甫的「阿嫂」下場，劉小姐身上完全無戲。OKOK。想帶出以為好新的想法，如天下的女人密謀殺死男人(這好出奇嗎？)，如一件事荒謬到一個地步是就算真都無人信(如果我說朱sir真係無滾，Coco只係陪佢返屋企，係咪又一樣？)，我完全唔明值得留意的地方o係邊。好，都算啦，一邊睇一邊悶，直到.......
全場矚目，任先生與溫小姐的床戲。
矚目點是，全場聽住溫小姐大叫「x我啦！x我啦！」，十個男人八個爆，唔係掛？再推進，咦，大叫「x」都係 IIb咋？咁都得？又推進(係我地個推論推進，唔係討論緊任達華推同進)，「神探」一場割(一睇就知係假)耳戲都 III 喎！推進，我覺得小朋友會學人X多過學人割耳囉！又推進，割耳應該唔會死人但「ｘ我啦」隨時出人命喎！OKOK，我知離題。我當時見到呢一幕，我發現的是，那床戲跟 Monster's Balls入面的一場，超過九成似。
- 一樣低下階層的女主角
- 一樣做警察的中年男主角
- 一樣是女主角身邊有親人過身
- 一樣兩者都是心靈空虛寂寞脆弱
- 一樣o係舊沙發，仲要都係女主角家
- 一樣係著住咁o既裙，男右女左
- 一樣係個女主角喊晒咁崩潰
- 一樣叫人「x我啦」，不過英版中係「Make me feel happy」
- 一樣歇斯底里叫了幾次，二人攬作一團狂野地...推進
唉，點解要抄得咁足呢？本身已經係一套垃圾片，仲要將人地成場床起dup一次。最慘係溫小姐同Halle Berry差幾皮(唔係/止講身材)，人地攞影后，佢就只係比人記得佢講粗口。兩者比起上o黎，溫小姐無故被冠上東施罪名。到底彭導拍攝時，有無比Monster's Ball兩位演員參考呢？
呢場都可謂我見過抄得最足本的一場戲，絕對搬戲過片，比無記差多幾皮呀.......
沒有留言:
張貼留言