好，呢張好似鬼上身o既圖，係咩事呢？
真係狂笑。
話說一行幾人到又一城 Simply Life 食飯，當然係其中一位寶貝生日啦。是晚大家都盡興非常，shopping的shopping，早放工的早放工，而Simply Life係我選址的，貪又一城就腳食物又不錯。
雖然預早了幾日都book唔到位要walk-in，一行5人的walk-in都等了20多分鐘。但有bonus喎，就係果度d 男waiter同廚師.....個個都好順眼！當然服務態度都好好，見入面open kitchen d 廚師個個都年青有為，仲著住勁beach boy o既白色汗衫，有扎小辮子的，又有將白色毛巾當頭巾的 (反町隆史？)。立時覺得呢一餐，一定食得快意啦。
我地一眾大聲講大聲笑，應該已經嚇親唔少哥哥。到最後捧出 Simply Life 的 lemon cheese cake，我地就請服務我地o既日系哥哥幫我地影相啦。o係拍攝期間，唔知點解果位可愛男侍每影一張就皺一次眉。我地勁納悶，問佢做咩皺眉呀？佢又唔講，不停咁幫我地影，但去到某一刻又次次都皺眉。真係極可愛，於是我地問佢咩事，佢一臉無辜咁話個鏡頭係咁跳來跳去 (!!!)，未等我地睇清楚發生咩事，佢又再影，然後又皺眉，終於一見佢皺我地就忍唔住狂笑。當中最無儀態的，當然係我啦。你睇我(左2)，我無加effect，但都笑到影都影唔到我個樣，狂震。左1同右2兩位小姐竟然好正常，其他兩位都blur o左，但都影到樣囉所以我要加effect，咩事呢？唔通我真係咁喪心病狂，對住哥哥仔狂笑？
影到最後果一張，哥哥仔見我地狂笑，佢都忍唔住掩口而笑。嘩，卡嘩e呢！Wakakakaka。
回家後拿相狂笑，然後我同左1小姐講，「如果呢....比多d時間我.......我一定會........嘿嘿嘿。」
今餐咁滿意，我一定會再光去Simply Life o既，哥哥仔等我！
Btw，你估我次次都好想因為D ugly事做SATC頭條皇嫁？我等緊有人取代我囉......阿右2小姐......
沒有留言:
張貼留言