I'm not 20something.

星期四那天 H 邀我做一個簡短的訪談，H 很有心推動香港文化發展，該訪談是他免費為香港某個協會做的project其中一環。

主題是，Hong Kong 20 somethings 的愛情觀。

聽罷，我O咀，我說我的愛情觀好不知所謂喎，唔知幫唔幫到你(真係...問o岩人問o岩時候囉)。

H 畢竟還是問了，就在LKF。他問的問題，十之八九我都不懂得回答。

如，H：「出來工作多年了，物質上有咩想要？」

我：「.........」

H：「如LV袋？Gucci銀包？」

我，想了良久：「無喎。」

H：「咁精神上有d咩想要？」

我：「....下？....開開心心。」

H：「如果分手了，一定要你買一樣東西去令自己開心返，會係咩？」

我：「分手了，有一樣東西買了，可以開心返咩？」

H：「........你反問我做咩？總之一定要買啦？」

我：「下？...咁，一個旅行算唔算？」

H：「...............」

我：「但其實去一個旅行，都係唔會開心返lor。」

H：「...................」

H：「要講分手，你會點講？」

我：「面對面講。」

H：「!!!!!!!!!!!」對眼前所未有咁大過。

我：「咩事呢？唔比？」

H：「即係會唔會用MSN，或者SMS分呢？」

我：「!!!!! 依家可以咁分手嫁咩？」

H：「好多20something都答我係lor。」

我：「咁太唔尊重啦掛？點可以一個SMS, MSN msg或者一個電話就同一個愛過o既人講分手呀？」

H：「.............」

結果？因為答案都太唔typical，我個interview，基本上等於無做過，完全唔可以納入其他20something入面......