Not An Affair

也許我是保守了。

當然，對於像我這樣一個女子，保守二字真的很難派上用場。然而這幾日我方發現，原來某程度上，我是頗為保守的，竟然。

他是廣告公司的員工，也是以這個身份跟我認識的。當然，穿著入時幽默風趣的他開幾次會就跟我混熟，懶係老友鬼鬼。我當然覺得識多個朋友無害啦，對方更是時不時會合作的人，跟他混熟，當然好處多於壞處。開過幾次會之後，唔知點解當住大家老細面前佢都可以問我收工未一齊去飲o野。當然我的回覆是未收工啦，何況我亦滴酒不沾。他一臉驚訝之後，接了一句「唔好玩我啦」，是的我是粗魯，但唔代表好酒量日日蒲掛？

幾次開會以後他當然就在facebook search到我，並add我msn啦。工作上當然會好溝通一點，但是談星座談感情史我沒多大興趣。不過竟然，又中，他又是天秤座。雖然我的回應是「天秤座之中你個樣都算…特別囉。」，他覆我一句thank you。接著閱女無數的他便開口中地up出我的年齡，並叫我估他的。我說「你有老婆有個仔，但個仔先歲幾，應該28, 29啦」。長年穿著T Shirt牛記的他原來呃得我透，「我三十六啦，同老婆結o左婚十年」。我問「咁結婚十年點解仔仔先得果歲幾？」，又，後來想想這個問題也真算不禮貌，萬一他答「之前生唔出」咁點呢？

他的回應是，十年間跟太太分分合合，然後加了句「I’m a troubled man」。我心想，又來這招扮無腳雀仔？後來答及我的星座，他說我也算典型，後來卻加了句「我都有個gf係雙子座，真係人格分裂嫁？」。我即時「!!!!」，問「gf？」。他反問有何問題。OK，我想了想，會否是我over-react呢？Girlfriend一詞，不就早可以當成「女性朋友」解呢。於是我問，「係female friends定係 lover呀？」，他答的更妙「Girlfriend不一定等於lover喎，但又唔止female friends。Married呢，又唔等於唔可以有girlfriend」。我一頭霧水，他補充「即係我有幾個intimate 的女朋友，我老婆都知，但我唔會cross佢bottom line lor」。

此時，我說了句真正白痴的說話：「但你個仔出世無耐ja wor」，shit，我怎會說出這句話？難道個仔出世，對佢有何重大意義？如果有的話，那小孩出世後他就會一改其風流個性吧！唉，真無言，我想在婚姻這方面，看來我的保守程度真的太高。又原來天秤座，係可以玩成這個程度。也許，我應該醒覺，現實中，我真的執到件寶。

「但其實又唔算係affair果種呢，你明唔明呀？」他問。唔算affair果種？我真的想答我唔明。到底係有上床無感情先唔算affair，定無上床只有感情先唔算affair？定兩樣都有，差在無一個「情婦」名份先唔算affair？我一個頭三個大，於是我默默的交叉了chatbox，放過我，當我無聽過，okay？